انا وعدتكم اني اكتب اغلبية بين كل ثلاث بوستات و هذي الاغلبية و ان شاء الله بعد بكتب بوست؛** اخليكم مع الاغلبية الحين...
الحب:-
ليش كل ما ينياب طاري الحب يقولون لك : يا معوّد واللي يخليك لا تقلبها هموم و مآسي!!!
مع ان الحب معناه واااايد حلو بس في ناس فاهمينه غلط !!
مثلا البنات !! بعضهم عبالهم ان اللي تحبه وميتة فيه بيحبها لي سوت معاه شي يخدش الحياء! او اذا عريتي لحمج و سويتي اشياء مخلة بالآداب!!
حبيبتي ترى جذي ما راح يحبج راح يحس انج مستهلكة و مبتذلة!! لا تعشمين نفسج!!
و الشباب،، اللي امس مع فلانة و اليوم مع علانة و باجر مع فلنتانة و اشياء تسوّد ألويه!! و جدام اهله ملاك!! و يقول انا من دوامي"ايً كان" لي البيت و من البيت لي الدوام!
من متى الحب جذي؟؟؟
ترى الحب شي وايد حلو و وايد جميل!!
حتى لو هالحب ما اكتمل بس بيظل محفور وسط القلوب و بالحشى مزروع!
الانسان اللي تحبيه و الانسانة اللي تحبها تفكرين فيه و تفكر فيها تشرقين باسمه و تشرق باسمها تتمنين له الرضا يرضا و تتمنى لها الرضا ترضا !!
يمكن اي اسم تفكرين فيه: محمد جاسم سعود عبدالعزيز احمد سالم عبدالله
و يمكن اي اسم تفكر فيه: منيرة دلال سارة دانة زينة لولوة جوانا نورة
اي شي و اي اسم من تسمعة يكش شعر يمبك و اي اسم من هالاسماء تسمعينة تبتسمين بدون ماتدرين!
تقولين؛ الله ياني ولهانة عليه ؛ احبه اعشقة اهواه ما تكفيه!!
و انت تقول: فاقدها،، أموت عليها حياتي ما تكتمل بدونها اهيا عمري اللي راح و اللي بيي هم شوي عليها
حتى لو ما اكتمل حبكم بالزواج!! ترى ماراح تموتون "ان الله ياخذ الجميل ليعطينا الأجمل" بس همن في علاقات اكتملت بالزواج!!
مثال؛ بعطيكم امثلة من مسلسل ساهر الليل لان احداثة واقعية!
لولوة حبت ناصر و اهو بعد بس ما اكتملوا بالزواج!! بس كاهم قدروا يكملون حياتهم!!
رشا حبت باسل مع طفاقتها و بروده !! كان ينية الطفاقة!! و اهيا ينيها البرود بس حبوا بعض ! و ماقدرت تروح حق انسان ثاني! ياتلة تركض جنها مينونه
مريم حبت يوسف ولو انها ما كانت تدري انه يحبها من يوم كانوا صغار ولا فكر بغيرها بس الموت سبقهم!! و خذاها
-----
دلال حبت نواف و مع فرق المستوى اللي بينهم بس عارضت اهلها و قالت باخذه يعني باخذه !! و فعلا خذته و قالت حبنا فوق كل شي و عاشوا مرتاحين
مهى حبت علي اربع سنين !! كانت متعشمه فيه بس للأسف لما رجع انصدمت بصدمة حياتها ان رد متزوج و مع هذا كل يوم علي كان يحب مهى فيه لي درجة ان طلق مرته و خذا مهى غصبن عالكل!!
سالم حب فاطمة من اول مرة شافها فيها و تولع فيها و لما كان بيقول حق اخوه لقاه اهو بعد حبها و أهي بعد حبت فهد اخوه و تحبط و انصدم و كان كل ما يشوفها يفز قلبه بس يحاول ان ما يبين ! عشان اخوه الصغير بلع المر! و الموت خذاه! و عرف فهد بالسالفة!! وتحسف قد شعر راسة لان قال حق اخوه و حطمه!! بس هذا النصيب
و تذكروا : ياخذ الله الجميل ليعطيك الأجمل !!
و سلامتكم
ليست هناك تعليقات:
إرسال تعليق